VOPAP D3 vs Aarberg

Nachdäm mir am morge es super Shooting hei gha u dr Punkt vom Vorabe hei chönne fiire, hei mir üs am Abe ume im Altikofe troffe für üses Spiel gäge Aarberg. 

Mir hei guet chönne umsetze was mir üs hei vorgno nach de letschtä Niiderlage. So hei mir üs konzentriert ufgwermt und iigspielt. Es isch für viel vom Team dr dritt Tag in Serie gsi wo mir zämä hei Volleyball gspiut. Am einte oder andere Egge het öpis zwickt, öpis het müesse gsäubelet oder tapet wärde. 

Nacheme guetä erschtä Satz wo mir ganz viu vom Training hei chönne umsetze hei mir im 2. Satz e chli dr Aschluss verpasst. So simer pusht i 3. Satz u hei mit 8:0 gfüehrt. De sii üser Gägner erwachet u hei üs ufgholt, überholt u hei dr 3. Satz für sich entschiide. 

Nachäre churze zämäfassig im Team simer üs einig. Mir wäre ufem gliche Niveau wie üse Gägner isch gsi, es mag eifach nüm glich viel UP and DOWNs verliide wie no ir 4. Liga. 

Derum luege mir positiv füre ufe nächscht Match. Mir hei aui Wärchzüg womer bruche vo üsne Trainer übercho u müesse die iz nur no umsetze. I fröie mi aber ufene Match wo mir wieder „üses“ Volleyball chöi zeige.. 

Go Flingos!