> Zurück

Cupdebüt und Cup-Aus

Heller Naomi 30.10.2018

Am Mäntiabe si mir im Rahme vom Bärner Kantonalcup zum VBC Thun greist. Mir hei vo Afang a gwüsst, dass üsi Gägnerinne starch si, aber mir si solid i erst Satz gstartet. Leider hei o d Thunerinne schnäu is Spiu gfunde u di zwöiti Satzheufti dominiert u gwunne.

Im zwöite Satz hei mer leider zu viu Eigefähler gmacht, vor auem am Service, u hei e usegspiute Vorsprung nid chönne nütze, so dass am Schluss wieder d Thunerinne dervozoge si. Obwou mir üs im dritte Satz gfasst hei u um d Bäu kämpft hei, hei mer de dert zu 23 verlore u si drum leider usem Cup usgschide.

Das macht aber nüt, am Donnsti geits witer ir Meisterschaft u denn simer wider vou derbi! Voitto!

 

Gspiut hei: Naomi, Leila, Alissia, Lea, Ana, Vivienne und Joy