> Zurück

Happy Saisonstart 3:0 - Match 20. Oktober 2018

Tanja Lüthi 24.10.2018

Scho im Vorfäud heimer gwüsst ds dä Match gäge Uni Bern ä spannende wird, da  mir (beidi Teams) scho im Trainingsspiel gägenang kämpft hei. Der erst Satz isch dür üses presänte Ufträte ufm Feld ribigslos ih 20 Minute gspiut u gwunne gsi. (25:14) Vouer elan simer i zwöit Satz gstartet und hei oh grad chöne Punkte, doch när simer üs idem Satz sehr sicher gsi, fasch zu sicher, de heimer paar gueti Pünkt abgä. Mir hei aber doch dä Satz wie ou der erst souverän gwunne. (25:14) Nach zwöi coole Sätz heimer afangs 3. Satz ä Niederschlag müesse istecke, Tanja hetsech am Netz leider verletzt. Trotzdem heimer aber dr Gring nid la hange und hei witer üses Spiel gspiut u ou der letscht Satz gwunne. (25:18)   Mir si sehr Happy mit dem Saisonstart! 3:0 was wotme no meh...