> Zurück

Damen 5. Liga a: Matchbericht vom 07.11.17

Tanja Lüthi 17.11.2017

Matchflaute in Thun…

Dä Matchbricht chunt leider chli spät, aber er isch oh nidso Erwähnenswert wie angeri Matchbrichte wo definitiv meh Fröid mache zum schribe. Bi däm Match hets leider uf üsere site chli ah Vilem gfäut, im 1. Satz heisech Thunerinne ä rise Vorsprung erspiut u mir hei sehr Mühe gha hingenache zmöge, dr Spiustang ändi vom 1. Satz seit aus. (16:25)

Thun het den eine vode bessere Tage verwütscht u het würklech guet gspiut, mir hei im 2. Satz guet chöne mithaute u hätte dä Satz oh fasch für üs entschide, leider hei üsi Närve gäg ändi Satz nümso mitgspiut u mir heine leider dä Thunerinne müesse abgä.(23:25)

Schad ischs oh gsi ds vo üsere Site nideso Stimmig isch gmacht worde, sigs ufem Fäud oder ussetm Fäud. Im 3. Satz simer de doch no wach worde u parat gsi für dä Satz zgwinne. Mir hei mit üsne Agriffe u Service schön chöne punkte. (21:25)

U de ischs no zumne 4. Satz cho, da simer geng drane gsi und hei üses Beschte gä, aber leider hets nid so söue si dsmr dä Satz gwinne. (19:25) Mir si jedoch zueversichtlech für dRückrundi, dasmr Thunerinne de den bezwinge!