> Zurück

3 Spiu u 1 Punkt

Vonlanthen Nicole 29.01.2017

 

 

VC Uettligen-VOPAP

3-1

 

Nach der Wiehnachtspouse si mir am 14.01.2017 im nöiie Jahr z Uettlige id Rückrundi gstartet.

 

Uettlige isch ar Tabellenspitze und mir gad druffolgend. 

Mir hei gwüsst das es es sehr schwers Los wird si. Villächt gad das het üs derzue ermuetigt es super spiu abzliefere. 

Satz für Satz isch knapp gsy. Es isch es super spannends Spiu gsy mit viu Ungerstützig u Stimmig vo usse. Was mir ume mau gschafft hei isch üs vom nä 11:1 ufezarbeit u dä einzig Satz ou gad für üs gwunnä. 

Isch es starks Spiu gsy u äuä ou fasch z beste.

 

VOPAP-HTL 

2-3

 

Druffolgend am 18.01  hei mir ume i Gnuss vom Heimvorteil dörfe cho gäge Zollikofe. Die zwöi erste Sätz si so guet wi ribigslos verlofe scho fasch zu guet.

När isch bi üs öppis passiert, das tönt iz so komisch aber chas gar nid beschribe. D Stimmig isch furt gsy sowie z Vertoue, dMotivation aues am A....gsy. U leider ou nüm drususe cho. Uf 5 Sätz hei sie ihres Spiu düre zoge u mir hei starch i gluegt. Es wer definitv machbar gsy.

 

1Punkt kört trotzdem üs:) think positiv 

 

VBC Lyss-VOPAP 

 

25:19//25:19//26:24

 

Fritiabä 8 27.01 Usgang oder Volley?? Klar hei mir üs für ä Match in Lyss gägä Lyss entschiede.

Mir hei ou umä z Jasi dörfe begrüsse wo nach ihrere Verletzig umä zrugg ufem Fäud isch gstange.

Nach 2i Niederlage u der gwohnte Startschwirikeite i erscht Satz isch gar nid so bemerkbar gsy. Es kontinuierlechs guets Spiu isch gspiut worde. Es isch vorä am Netz ä rechte Kampf abgange derte hets echt gheisse Todes-Kampf-Zone:)

Nid nume das, es si ou viu längi Bauwechsle passiert.

Uf das knappe Spiu hets haut keni Eigefähler möge verlide wo mönschlech si u haut ou passiert.

Nichtsdestotrotz mir gäbä nid uf kämpfe witer u ungerstützte üs gägäsitig das mir ume ä Schritt vorwerts machä.

 

Yeeeeesaa Ladys