> Zurück

Ufd Niederlag fougt der Sieg

Vonlanthen Nicole 15.11.2016

VOPAP-VBC Lyss b

25:22 // 25:14 // 25:16

Ä witeri Heimrundi im Rain hei mir Dame 5.Liga am 9.11.2016 bestritte.

Trotz der letschte Niederlag ha i äs motivierts Team ir Hauä vorgfunge.
Z Netz isch d zeinige gsy wo üs grad Sorge bereitet het. Es het säch eifach nid richtig wöuä la i steue uf üsi höchi:)
Aber ou das hei mir meh oder weniger guet härä becho:)

Mit der richtige Stimmig uf und näbem Fäud sie mir i erst Satz gstartet. Viu het nid chönne schief loufe, mir sie parat gsy ufem Fäud u hei ihres Spiu dürezoge. Mit chli Komunikationsmangu vo üsere Site här het Lyss chönne Gratispünkt hole.
Aber am Schluss isch dä Satz zu üsne Gunste usgange.

De witer im Text isch der zwöit wi ou der dritt Satz ganz flüssig verlofe. Mir hei zu auem ä gueti mentali Sterchi gha wo üs verhoufe het keni Eigefähler u Aspielfähler z mache. Het ächt Spass gmacht so chönne z spile und uf üs ufzboue.

Uf äs guets Glinge am 17.11.2016
Yeeeesaa????